پەرلەمانتارێکی عێراق هەندێک دەنگۆ لەبارەی مووچە ڕەتدەکاتەوە

ئاڤا نیوز  

ئەندامێکی پەرلەمانی عێراق ئاشكرای كرد، ئەو دەنگۆیانە دوورن لە ڕاستی کە دەڵێن ناو بۆ لیستی مووچە زیادکراوە، هاوکات بەغدا داوای لابردنی ناوی زیادەی نەکردووە.

وێنە گەورەکە: مانگێک و چوار ڕۆژە وەزارەتی دارایی هەرێمی کوردستان لیستی مووچەی مانگی تەمموزی بۆ بەغدا ناردووە، بەڵام تا ئێستا بەبێ بوونی هیچ بیانوویەکی فەرمی، بەغدا مووچەی فەرمانبەرانی هەرێمی کوردستانی نەناردووە.

لێدوانی فەرمی: سیپان شێروانی، ئەندامی پەرلەمانی عێراق بە ئاڤا نیوزی ڕاگەیاند: لەبەشێکی دەزگا ڕاگەیاندنەکان وا بڵاوکراوەتەوە، بەغدا داوای بڕینی ناوی زیادەی لە لیستی مووچە کردووە، بەڵام دوای بەدواداچوونم بۆم دەرکەوت ئەم بابەتە هیچ بنەمایەکی نییە، نە ناوی زیادە هەبووە و نە وەزارەتی دارایی عێراقیش داوای لابردنی ناوی زیادەی کردووە.

زانیاریی زیاتر: بابەتی دواخستنی مووچەی فەرمانبەرانی هەرێمی کوردستان دوور نییە پەیوەندی هەبێت بە بێزارکردنی هاونیشتمانیان بۆ بەشدارینەکردن لە هەڵبژاردنی پەرلەمانی کوردستان، بەدیاریکراوی بابەتەکە سیاسییە و پەیوەندی بە تێبینی لە لیستی مووچە نییە. سیپان شێروانی وای گوت.