بەرهەمهێنانی ئاوی خواردنەوە لە هەولێر زیاد دەکات

ئاڤا نیوز  

 

بەمەبەستی زیادکردنی بەرهەمهێنانی ئاوی خواردنەوە بۆ هاونیشتمانییان، هەشت بیری نوێ لە سنووری هەولێر لێدەدرێت. 

 

وێنە گەورەکە: هەموو ساڵێک لە وەرزی هاوین بەهۆی زۆری بەکارهێنانی ئاو لەلایەن هاونیشتمانییانەوە، ئاوی پاک لە هەولێر و دەوروبەری کەم دەبێتەوە و لەڕێگەی لێدانی بیرەوە حکومەت دەیەوێت ئەو کێشەیە بنبڕ بکات. 

 

لێدوانی فەرمی: ڕێزان سەعدی، بەڕێوەبەری ئاوی دەورووبەری هەولێر بە ئاڤا نیوزی گوت: %80ی پشتبەستنی ئاوی هەولێر لەڕێگەی بیرەوەیە، ئەمساڵ بەهۆی ئەوەی پارێزگای هەولێر زوو بودجەی بۆ تەرخانکردین توانیمان بەزوویی کێشەی کەمئاوی چارەسەر بکەین، ئەمساڵ هەشت بیری نوێ و سێ بیری بەدیلیش لێدراون.

 

زانیاری زیاتر: ڕێزان سەعدی ئەوەش دەڵێت: ساڵی پار پڕۆژەی ئاوی قەندیل – شەقڵاوە کێشەی زۆر بوو، بەڵام ئەمساڵ 110 ملیۆن دینار بۆ پڕۆژەکە خەرجکرا و کێشەکانی ئەو پڕۆژەیە چارەسەر بوون.