پەرلەمانتارێک: بڕیاری خەرجکردنی مووچەی مانگی حەوت درا

ئاڤا نیوز

 

ئەندامێکی پەرلەمانی عێراق ڕایگەیاند، ئەمڕۆ وەزارەتی دارایی عێراق بڕیاریداوە، مووچەی مانگی تەمموزی فەرمانبەرانی مەدەنی هەرێمی کوردستان خەرج بکرێت و لە ڕۆژانی نزیکی داهاتووشدا دابەشکردنی مووچە دەستپێدەکات.

وێنە گەورەکە: زیاتر لە 50 ڕۆژە هیچ مووچەخۆرێکی هەرێمی کوردستان بە سەربازی و مەدەنییەوە مووچەی وەرنەگرتووە و وەزارەتی دارایی عێراق بەهۆکاری بوونی تێبینی لە لیستی ناوی فەرمانبەران، مووچەی مانگی تەمموزی ڕەوانەی هەرێم نەکردووە.

لێدوانی فەرمی: سۆران عومەر، ئەندامی لیژنەی ئابووری و پیشەسازی لە پەرلەمانی عێراق بە ئاڤا نیوزی گوت: ئەمڕۆ دووشەممە وەزارەتی دارایی عێراق بڕیاری خەرجکردنی مووچەی مانگی تەمموزی فەرمانبەرانی مەدەنی هەرێمی کوردستان دەرکرد.

زانیاریی زیاتر: چاوەڕێ دەکرێت لە سبەی سێشەممەوە ڕێکارەکانی ناردن و دابەشکردنی مووچەی فەرمانبەران لە کوردستان دەستپێبکات.