لە سەرەتای ئەمساڵەوە 15 حاڵەتی خنکان لە هەولێر تۆمارکراون

ئاڤا نیوز  

گوتەبێژی بەرگریی شارستانیی هەولێر ڕایگەیاند، لە سەرەتای ئەمساڵەوە تاوەکو ئێستا 15 حاڵەتی خنکان لە پارێزگای هەولێر ڕوویداوە.

وێنە گەورەکە: ساڵانە لە وەرزی هاوین ژمارەیەکی زۆر لە گەشتیاران و خەڵکی هەرێمی کوردستان، ڕوو لە زێ و ڕووبارەکان دەکەن بە مەبەستی خۆفێنککردنەوە و مەلەوانی، ساڵانەش ژمارەیەکیان دەخنکێن.

لێدوانی فەرمی: شاخەوان سەعید، گوتەبێژی بەرگریی شارستانی هەولێر بە ئاڤا نیوزی ڕاگەیاند: "سەرەرای هەڵواسینی تابلۆی ڕێنامی لەو شوێنانەی کە نابێت مەلەوانی لێبکرێت، بەڵام خەڵکی بەردەوامن لە سەردانی کردنی زێ و ڕووبارەکان بە مەبەستی مەلەوانی.

 

زانیاریی زیاتر: بەو هۆیەوە لە سەرەتای ئەمساڵەوە تاوەکو ئێستا 15 حاڵەتی خنکان لە هەولێر ڕوویانداوە".