هۆکاری دابەزینی نرخی مریشک ئاشکرا دەکرێت

ئاڤا نیوز  

بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاو ڕایگەیاند، خاوەن کێلگەکان لە ماوەی ڕابردوودا ژمارەیەکی زۆری مریشکیان خستە بازاڕەوە ئەوەش بووە هۆی دابەزینی نرخەکەی.

وێنە گەورەکە: سەرەرای ئەوەی لە هاویناندا بەهۆی بەرزبوونەوەی پلەی گەرما بەخێوکردنی جووجەڵە پێویستی بە سووتەمەنی و خەرجی زیاتر هەیە و نرخی مریشک بەو هۆیەوە بەرزدەبێتەوە، بەڵام ئێستا نرخەکەی بە شێوەیەکی بەرچاو دابەزیوە.

لێدوانی فەرمی: فیراس سدیق، بەڕێوەبەری سامانی ئاژەڵ لە هەرێمی کوردستان بە ئاڤا نیوزی ڕاگەیاند:" بەهۆی ئەوەی لە ماوەی ڕابردوودا نرخی مریشک بەرزبووەوە، ئەمە وایکرد خاوەن کێڵگەکان بە مەبەستی قازانج مریشکی زیاتر بخەنە بازاڕەوە ئەمەش بووە هۆی زۆر بوونی ڕێژەی مریشک لە بازاڕەکان و دابەزینی نرخەکەی، ئێستا نرخی یەک کیلۆ مرشک لە کێلگەکان دوو هەزار و 100 بۆ 200 دینارە".

باکگراوند: هەرێمی کوردستان لە یەک ساڵدا پێویستی بە 146هەزار تۆن گۆشتی مریشکە، بەڵام لە نێوخۆ زیاتر لە 250هەزار تۆن گۆشتی مریشک بەرهەم دەهێنرێت، بەمەش زیاتر لە 100هەزار تۆنی هەناردەی پارێزگاکانی عێراق دەکرێت.