بەریتانیا یاسایەکی نوێ بۆ پشکنینی خاڵە سنوورییەکان دەردەکات

ئاڤا نیوز 

 

بەریتانیا 10.5 ملیۆن پاوەند، بۆ دابینکردنی پشکنینی نوێی سنوورەکانی لەگەڵ یەکێتیی ئەوروپا خەرج دەکات.

 

وێنە گەورەکە: گەشتیارانی بەریتانیا و وڵاتانی دەرەوەی یەکێتیی ئەوروپا دەبێت بە سیستەمێکی سنووری دیجیتاڵی نوێدا تێپەڕن، ناوی سیستەمی چوونە ژوورەوە/دەرچوونە و بە (EES) ناسراوە.

 

لێدوانی فەرمی: سیما مالهۆترا، وەزیری کۆچ و کۆچبەرانی بەریتانیا ڕایگەیاند: ''بەریتانیا لەگەڵ کۆمیسیۆنی ئەوروپا و وڵاتانی ئەندام کاردەکات بۆ دڵنیابوون لەوەی  کەمترین گرفت بۆ بەریتانییەکان بێتە پێش لەکاتی گەشتکردنیان". 

زانیاریی زیاتر: لەم یاسایەدا پێویستە ئەو کەسانەی لە بەریتانیا و وڵاتانی دیکەی دەرەوەی یەکێتیی ئەوروپاوە گەشت دەکەن، لە سنوورەکان ناوی خۆیان تۆماربکەن، بە سکانکردنی دەموچاویان و وەرگرتنی پەنجەمۆر، ئەمە دەبێتە هۆی دروستکردنی تۆمارێکی دیجیتاڵی کە بەڵگەنامەیەکی گەشتکردن بە ناسنامەی کەسێکەوە دەبەستێتەوە بە بەکارهێنانی بایۆمەتری، کە دەبێتە جێگرەوەی مۆری پاسپۆرت.

بۆچی گرنگە: لەدوای چوونەدەرەوەی بەریتانیا لە یەکێتیی ئەوروپا لە ساڵی 2020، ئەمە یەکەم یاسایە بۆ هاتوچۆی گەشتیاران لەلایەن بەریتانیاوە دەردەکرێت، بڕیارەکەش پەیوەندیدارە بە سەدان هەزار کوردی نیشتەجیی بەریتانیا و وڵاتانی ئەوروپا.