دووەم شاند بۆ مووچە لە هەولێرەوە دەچێتە بەغدا

ئاڤا نیوز

 

 لەکاتێکدا ئێستا شاندێکی  وەزارەتی دارایی و ئابووریی هەرێمی کوردستان بۆ پرسی  مووچە لە بەغدایە،  ئەندامێکی مەکتەبی سیاسیی پارتی دەڵێت "شاندێکی دیکەش لەم ڕۆژانە بۆ هەمان پرس دەچێتە بەغدا.

لێدوانی فه‌رمی: هێمن هه‌ورامی، ئه‌ندامی مه‌كته‌بی سیاسیی پارتی ڕایگه‌یاند: هەرێمی کوردستان بە قۆناغێکی هەستیاردا تێدەپەڕێت، ئەوەی لە بەغدا دەگوزەرێت شەڕێکی سیاسییە لەگەڵ هەرێمی کوردستان دا دەکرێت.

زانیاریی زیاتر: هیچ بیانوویەک نەماوە لەسەر حکومەتی هەرێمی کوردستان، هەموو شتەکان بە ڕێکوپێکی لە ڕێی چاودێری داراییەوە خراوەتەڕوو، ئومێد دەکرێت لە ڕۆژی شەممەوە مووچەی مانگی حەوت خەرج بکرێت. هێمن هه‌ورامی واده‌ڵێ.

ئەوەی پێویستە بیزانیت: شاندێکی تەکنیکی لە بەغدایە، شاندێکی تەکنیکی دیکە دەچێتەوە بەغدا بۆ ئەوەی ئەو وردە سەرنجانەی کە ماون لەلایەن وەزارەتی دارایی عێراقەوە ئەویش چارسەر بکرێت.