کێشەی ساغنەبوونەوەی بەرهەمی کارگەکان چارەسەر دەکرێت

ئاڤا نیوز

 

حکومەتی هەرێمی کوردستان هەوڵی چارەسەرکردنی کێشەی ساغنەبوونەوەی بەرهەمی کارگەکانی کوردستان دەدات لە پارێزگاکانی دیکەی عێراق.

 

وێنە گەورەکە: حکومەتی عێراق چەند بازگەیەکی داناوە و لێناگەڕێت بەرهەمی کارگەکانی هەرێمی کوردستان بگاتە بازاڕەکانی ناوەڕاست و باشووری عێراق بە بیانووی ئەوەی کارگەکان مۆڵەتیان لای ئەوان دەرنەهێناوە و باج نادەنە عێراق.

 

لێدوانی فەرمی: سەروەر کەمال، بریکاری وەزارەتی بازرگانی و پیشەسازیی هەرێمی کوردستان: بۆ چارەسەرکردنی کێشەی ساغنەبوونەوەی بەرهەمی کارگەکانی هەرێمی کوردستان لە شارەکانی ناوەڕاست و باشووری عێراق دەبێت تاوەکو ڕۆژی یەکشەممەی هەفتەی داهاتوو هەرێمی کوردستان خۆی بگونجێنێت لەگەڵ ڕێنماییەکانی وەزارەتی پیشەسازی و کانزاکانی عێراق".