سەرجەم کارگەکانی کۆمپانیای تۆیۆتا دادەخرێن

ئاڤا نیوز

 

 

پێشبینی ڕوودانی زریانێکی بەهێز بە ناوی 'شانشان' لە ژاپۆن دەکرێت، ئەمەش کۆمپانیای تۆیۆتای ناچارکرد سەرجەم کارگەکانی بەرهەمهێنانی ئۆتۆمبێل لە ژاپۆن دابخات.

 

چیرۆکی سەرەکی: پێشبینی دەکرێت زریانی 'شانسان' باشووری ژاپۆن بگرێتەوە، کە زریانێکی بەهێزە و تاوەکو کۆتایی ئەم هەفتەیە درێژە دەکێشێت. بەهۆیەوە کۆمپانیای تۆیۆتا ناچاربوو سەرجەم کارگەکانی کە ژمارەیان 14 کارگەیە لە باشووری ولاتەکە دابخات. 

وێنە گەورەکە: دەسەڵاتدارانی ژاپۆن بڵاویان کردووەتەوە، پێشبینی دەکرێت، زریانی شانشان دوورگەی ئۆکیناوا بگرێتەوە، ئەمە لە کاتێکدا خێرایی با دەگاتە 216 کیلۆمەتر لە کاتژمێرێکدا کە بەوهۆیەوە چاوەڕێ دەکرێ لێکەوتەی نەخوازراوی لێبکەوێتەوە و جوڵەی بارزگانیش لە بەشێکی وڵاتەکە پەکی کەوتەووە.

 

زانیاریی زیاتر: بەهۆی زریانەکەوە، کۆمپانیاکانی هێڵی شەمەندەفەر هۆشداری هەڵپەساردنی گەشتەکان دەدەن، هەروەها هێڵی ئاسمانی ژاپۆن 116 گەشتی ناوخۆیی و 6 گەشتی دەرەوەی وڵاتی هەڵوەشاندەوە. لە هەمان کاتدا، کۆمپانیای 'ئۆل نیبۆن' 68 گەشتی ناوخۆیی لە وڵاتەکە هەڵوەشاندەوە.