لە ئیسپانیا فێستیڤاڵی تۆماتینا بۆ شەڕە تەماتە بەڕێوەدەچێت

ئاڤا نیوز

شەقامەکانی شارۆچکەی بونۆڵ، کە دەکەوێتە ڕۆژهەڵاتی ئیسپانیا بەهۆی شەڕە تەماتەوە سوور هەڵگەڕان.

 

وێنە گەورەکە: هەموو ساڵێک لە هەفتەی کۆتایی مانگی ئابدا، ئەم فێستیڤاڵە لە ئیسپانیا بەڕێوەدەچێت، بۆ ئەمساڵیش نزیکەی 22 هەزار کەس بە جلوبەرگی سپی بەشداربوون، کە بەشێکییان لەوڵاتانی دیکەوە هاتبوون و 150 تۆن تەماتەی پێگەیشتوویان بەیەکتردا دا.

 

ئەوەی پێویستە بیزانیت: شارۆچکەی بونۆل دەکەوێتە 40 کیلۆمەتری ڕۆژئاوای ڤالێنسیا، ئەو کەسانەی لە دەرەوەی وڵاتەوە سەردانییان کردووە بڕی 15 یۆرۆیان داوە بۆ بەشداریکردن لە فێستیڤاڵەکە، لە کاتێکدا خەڵکی ناوچەکە بەخۆڕایی چێژ لەو شەڕە تەماتەیە وەردەگرن.

 

زانیاریی زیاتر: بەپێی ماڵپەڕی فەرمی تۆماتینا، فێستیڤاڵەکە لەساڵی 1945 سەریهەڵداوە، لە ساڵانی 1950 لە سەردەمی ژەنەڕاڵ فرانسیسکۆ فرانکۆ بۆ ماوەیەک بەپێی یاسا قەدەغە کرا، دواتر لە ساڵی 1959 بە هەندێک ڕێسای تایبەت دەستی پێکردەوە.