ئەمریكا بۆ خامنەیی: ئێمە چاوەڕێی كردارین نەک قسە

ئاڤا نیوز

ئەمریکا سەبارەت بە دانوستانە ئەتۆمییەکان، وەڵامی عەلی خامنەیی ڕابەری شۆڕشی ئیسلامی ئێران دەداتەوە و دەڵێت " چاوەڕێی کردار دەکەین نەک قسە".

 

وێنە گەورەکە: لە ساڵی 2015 گفتوگۆی ئەتۆمیی نێوان ئێران و وڵاتانی ڕۆژئاوا دەستیپێکرد، بەڵام لە ساڵی 2018 دۆناڵد ترەمپ سەرۆکی ئەوکاتی ئەمریکا تاکلایەنە لە گفتوگۆکان کشایەوە و گفتوگۆکانیش ڕاگیران، لە چەند ساڵی ڕابردوودا چەند جارێک بە نهێنی ئەمریکا و ئێران لە عوممان و قەتەر گفتوگۆیان کردووە. 

ڕاگەیێنراوی فەرمی: وەزارەتی دەروەی ئەمریکا لە قسەکانی ڕێبەری باڵای شۆڕشی ئیسلامی ئێران نیگەرانە و داوای کرداری لێدەکات.

زانیاریی زیاتر: "ئەگەر ئێران بیەوێت جددیەت نیشان بدات،  دەبێت ڕێگری لە بەرهەمهێنانی زیاتری ئەتۆمی بکات و هاوکاری ورد لەگەڵ ئاژانسی نێودەوڵەتی وزەی ئەتۆمی دەستپێبکات".

ئەوەی پێویستە بیزانیت: عەلی خامنەیی، ڕێبەری باڵای شۆڕشی ئیسلامی ئێران پێشتر لە ڕێگەی ڕاوێژکارێکی باڵایەوە داوای لە ئەمریکا کردبوو دانوستانە ئەتۆمییەکان دەستپێبکەنەوە.