تۆمەتی "ماددەی هۆشبەر و دەستدرێژی سێکسی" دەدرێنە پاڵ دامەزرێنەری تەلەگرام

 ئاڤا نیوز

 

دوای ئەوەی دەسەڵاتی دادوەری فەرەنسا پاڤێل دورۆڤ دامەزرێنەری تێلێگرامیان بە 12 تۆمەتی تاوانکاری تۆمەتبارکرد، کە سزای 10 ساڵ زیندانیکردنیشی لەگەڵدایە، پارێزەرەکەی بێدەنگی شکاند.

 

ڕاگەیێنراوی فەرمی: دەیڤید ئۆلیڤیێر کامینسکی، پارێزەری دورۆڤ جەختی لەوە کردەوە، کە تێلێگرام پابەندە بە یاساکانی ئەوروپا، لەوانەش یاسای خزمەتگوزارییە دیجیتاڵییەکان و ڕێکارەکانی کۆنترۆڵکردنی پلاتفۆرمەکە لەگەڵ ستانداردەکانی پیشەسازیدا یەکدەگرێتەوە.

 

ئەوەی پێویستە بیزانیت: تۆمەتەکانی دژ بە دورۆڤ، کە هاوڵاتییەکی فەرەنسییە و لەدایکبووی ڕووسیایە، بریتین لە فرۆشتنی ماددەی دەستدرێژی سێکسی بۆ منداڵان، بازرگانیکردن بە ماددە هۆشبەرەکان، ساختەکاری، ئاسانکاری بۆ گواستنەوەی پارەی پەیوەست بە تاوانە ڕێکخراوەکان و ڕەتکردنەوەی هاوبەشیپێکردنی زانیاريی و بەڵگەنامە لەگەڵ لێکۆڵەران بەپێی یاسا.

 

زانیاریی زیاتر: ئەو گەنجە تەمەن 39 ساڵە، کە لە ساڵی 2013 لەگەڵ خوشکەکەی ئەم پلاتفۆرمەی دامەزراندووە، جگە لە ڕەگەزنامەی سەینت کیتس و نیڤیس، ڕەگەزنامەی ئیماراتیشی هەیە.

 

لەلایەکی دیکەوە: دوێنێ چوارشەممە لۆرێ بیکۆ، داواکاری گشتی پاریس ڕایگەیاند: پاڤێل دورۆڤ بە کەفالەتی نزیکەی 5.5 ملیۆن دۆلار ئازادکراوە، بەڵام فەرمانی پێکراوە هەفتەی دووجار لە بنکەیەکی پۆلیسدا  واژۆ بكات.