زیاتر لە 650 زیارەتکاری پاکستانی لە فڕۆکەخانەی بەغدا گیریان خواردووە

ئاڤا نیوز  

وەزارەتی دەرەوەی پاکستان ڕایگەیاند، زیاتر لە 654 زیارەتکاریان بەهۆی هەبوونی کێشەی تەکنیکی لە دوو فڕۆکەی هێڵی ئاسمانیی عێراقی، لە فڕۆکەخانەی نێودەوڵەتی بەغدا گیریان خواردووە.

وێنە گەورەکە: ئەمساڵ بۆ بەشداریکردن لە چلەی ئیمامی حوسێن، زیاتر لە 21 ملیۆن زیارەتکار لە چەندین وڵاتی جیا و نێوخۆی عێراقەوە سەردانی پارێزگای کەربەلایان لە باشووری عێراق کردبوو.

ڕاگەیێنراوی فەرمی: وەزارەتی دەرەوەی پاکستان ڕایگەیاند: "لە پەیوەندی بەردەوامداین لەگەڵ دەسەڵاتدارانی عێراق و هێڵی ئاسمانی عێراقی بۆ ئەوەی بە زوویی ئەو پاکستانییە گیریان خواردووە بگەڕێننەوە".

زانیاریی زیاتر: محەمەد ئیسحاق دار، وەزیری دەرەوەی پاکستان، باڵیۆزی پاکستانی لە بەغدا ڕاسپاردووە ئاگاداری پاکستانییە گیرخواردووەکان بێت و ئاسانکاری بۆ گەڕانەوەیان بکات.

ئەوەی پێویستە بیزانیت: بڕیارە ئەمشەو گەڕانەوەی ئەو پاکستانییانە دەست پێبکات و پێشبینی دەکرێت تاوەکو سبەی 31ی ئاب سەرجەم سەرنشینە گیرخواردووەکان بگەڕێنەوە وڵاتەکەیان.