خۆپیشاندەران لە بەغدا: فریای مزگەوتی عومەر موختار بكەون

ئاڤا نیوز

 

بڕیاری ڕووخاندنی مزگەوتی عومەر موختار لەبەغدای پایتەخت كاردانەوەی لێكەوتەوە و دیوانی وەقفی سوننیش ڕەتیدەكاتەوە .

 

وێنە گەورەکە:  دوای ئەوەی دەنگۆی بڕیاری  ڕووخاندنی مزگەوتی عومەر موختار بڵاوبویەوە، دانیشتوانی ناوچەی یەرموک لە بەغدا دژی ئەو بڕیارە خۆپیشاندانێکی ناڕەزاییان ڕێکخست و داوای هەڵوەشاندنەوەی بڕیارەكەیان كرد.

 

ڕاگه‌یێنراوی فه‌رمی: حوسێن عەرەب پەرلەمانتاری عێراق  لە تویتێکدا ڕایگەیاند: وەقفی سوننی مزگەوتی عومەر موختار دەڕوخێنن ، دواتر ڕەگەزی دەگۆڕن و دەیكەن بە پڕۆژەیەكی نیشتەجێبوون.

 

له‌لایه‌كی دیكه‌وه: وەقفی سوننی ئەو زانیاریانەی ڕەتکردەوە و ئاشكرایكرد، وەبەرهێنەرێك خۆبەخشانە مزگەوتەكە نۆژەن دەكاتەوە.

 

ئەمەش بزانە: مزگەوتی عومەر موختار دەكەوێتە ناوچەی یەرموكی شاری بەغدا و بە یەکێک لە مزگەوتە دێرینەکانی شاری بەغدا دادەنرێت،  مێژووی درووست كردنی دەگەرێتەوە بۆ سەدەكانی ڕابردوو.