دژی بەبیابانبوون عێراق هەڵمەتێکی نەمام چاندن دەستپێدەکات

ئاڤا نیوز

 

بۆ بەرەنگاربوونەوەی دیاردەکانی بەبیابانبوون و گۆڕانی کەشوهەوا و سنووردارکردنی کاریگەرییەکانی زریانی خۆڵبارین، وەزارەتی کشتوکاڵی عێراق هەڵـمەتی چاندنی 10 ملیۆن نەمام و درەخت دەستپێدەکات.

 

وێنە گەورەکە: عێراق یه‌كێكه‌ له‌و وڵاتانه‌ی زۆرترین زیانی گۆڕانکاریی کەشوهەوای بەرکەوتووە، حکومەتیش ژمارەیەک ڕێکار و سیاسەتی گرتووەتەبەر بۆ بەرەنگاربوونەوەی ئەو دیاردەیە، لە مانگی ئازاری ساڵی ڕابردوودا سەرۆکوەزیرانی عێراق هەڵمەتی چاندنی پێنچ ملیۆن نەمامی  ڕاگەیاند.

 

ڕاگەیێنراوی فەرمی: مەهدی سەهر، بریکاری کارگێڕیی وەزارەتی کشتوکاڵ ڕایگەیاند، وەزارەت لە چوارچێوەی هەڵمەتەکی سەرۆکوەزیران توانیویەتی لەماوەی یەک ساڵدا زیاتر لە شەش ملیۆن نەمام بچێنێت.

 

ئەوەی پێویستە بیزانیت: سەنتەری ستراتیژی بۆ مافەکانی مرۆڤ لە عێراق پێشتر بە ئاڤا نیوزی ڕاگەیاندووە، 27 ملیۆن دۆنم خاکی عێراق بە بیابانبووە دەکاتە 15٪ ڕووبەری خاکەکەی، لە هەمان کاتدا 55٪ خاکی عێراق مەترسیی بە بیابانبوونی لەسەرە.