ڕووسیا: تورکیا ئامادەیە لەسەر کشانەوەی هێزەکانی لە سووریا ڕێککەوتن بکات

ئاڤا نیوز

سێرگی لاڤرۆڤ، وەزیری دەرەوەی ڕووسیا ئامادەیی تورکیای بۆ گفتوگۆکردن لەسەر کشانەوەی هێزەکانی لە سووریا ڕاگەیاند. 

وێنە گەورەکە: ڕووسیا لەسەر داوای ڕەجەب تەیب ئەردۆغان، سەرۆککۆماری تورکیا، ڕۆڵی نێوەندگیر لە پرسی ئاسایکردنەوەی پەیوەندییەکانی نێوان دیمەشق و ئەنقەرە دەبینێت.

لێدوانی فەرمی: لاڤرۆڤ بە کەناڵی ڕووسیا توودەی ڕاگەیاندووە: ئەنقەرە ئامادەیە لەسەر پرسی کشانەوەی هێزەکانی لە سووریا گفتوگۆ بکات، بەڵام هێشتا ڕێککەوتن لەسەر خاڵە سەرەکییەکانی دانوستانەکان نەکراوە".

بۆچی گرنگە:  تورکیا دەیەوێت بە ڕێککەوتن لەگەڵ سووریا، ئیدارەی خۆسەری لە ڕۆژئاوای کوردستان لەناوببات و کۆتایی بە پێگەی پارتی یەکێتیی دیموکراتی (پەیەدە) بێنێت.

چاوەڕوانکراوەکان: لە ئایندەیەکی نزیکدا کۆبوونەوەیەکی نێوان ڕووسیا، تورکیا، سووریا و ئێران بۆ تاوتوێکردنی ئاساییکردنەوەی پەیوەندییەکانی دیمەشق وئەنقەرە بەڕێوەیە.