شارەزایەكی كەشناسی: تا یەكشەممە بارانبارین بەردەوام دەبێت

 ئاڤا نیوز

شارەزایەکی کەشناسی پێشبینی بۆ کەشوهەوای چەند ڕۆژێکی هەرێمی کوردستان دەکات،  دەڵێت  تا یەکشەممە بارانبارین بەردەوام دەبێت، بەڵام تا ئەوکات وردە وردە ڕێژەی بارین کەم دەبێتەوە.

ئەوەی پێویستە بیزانیت: ماوەی دوو ڕۆژە بارانی بەخوڕ لە تەواوی هەرێمی کوردستان دەبارێت، لە هەولێر تیمەکانی بەرگریی شارستانی ئامادەکارییان کردووە بۆ ڕێگری لە هەر ڕووداوێکی نەخوازراو.

لێدوانی فەرمی: هەڤاڵ سدیق، شارەزای کەشناسی و پێشبینیەکانی کەشوهەوا بۆ ئاڤا نیوز گوتی: لە هەولێر تا دوای کاتژمێر 7:00 بۆ 8:00 کەشوهەوا نیمچە ساماڵ و باران کەم دەبێتەوە، بەڵام دوای نیوەڕۆی ڕۆژی  هەینی  لە کاتژمێر 12:00 باران دەستپێدەکاتەوە و تا یەکشەممە بەردەوام دەبێت.

" نەک تەنیا لە هەولێر لە تەواوی هەرێمی کوردستان بارانبارین تا یەکشەممە بەردەوام دەبێت، بەڵام وردە وردە کەم دەبێتەوە و ئەگەری مەترسییەکانی کۆبوونەوەی ئاویش نامێنێت".