پەرلەمانی عێراق گفتوگۆ لەبارەی کێشەی زەویی جووتیارانی کورد دەکات

ئاڤا نیوز

 

بەبەشداری فەرماندەی ئۆپەراسیۆنەکان و بەڕێوەبەری کشتوکاڵی کەرکووک، لە پەرلەمانی عێراق کۆبوونەوەیەک بۆ چارەسەری کێشەی زەویی جووتیارانی کورد لە پارێزگای کەرکووک بەڕێوەچوو.

 

وێنە گەورەکە: جووتیارانی کورد و تورکمان لە پارێزگای کەرکووک داوا دەکەن خاوەندارییەتی زەوییە کشتوکاڵییەکانیان بۆ بگەڕێنرێتەوە، لە سەردەمی بەعسدا لێیان زەوتکراوە و  خراوەتەسەر خەڵكی عەرەبی هاوردە، تائێستاش ئەو داواکارییەیان ڕێکاری یاسایی خۆی تەواونەکردووە.

 

ڕاگەیێنراوی فەرمی: د.شاخەوان عەبدوڵڵا، جێگری سەرۆکی پەرلەمانی عێراق ڕایگەیاند، ئەمڕۆ 3-9-2024 سەرپەرشتی کۆبوونەوەیەکی کردووە بە ئامادەبوونی نوێنەری جووتیارانی تۆپزاوا، فەرماندەیی ئۆپەراسیۆنەکان، فەرماندەیی فیرقەی 11ی سوپا و بەڕێوەبەری کشتوکاڵی کەرکووک، بە ئامانجی چارەسەرکردنی کێشەی جووتیارانی پارێزگاکە.

 

زانیاری زیاتر: "لە کۆبوونەوەکەدا گفتوگۆ کرا لەبارەی گەڕاندنەوەی ماف بۆ خاوەن مافەکان و چۆنیەتی قەرەبووکردنەوەی ئەوانەی زیانمەندبوون".