چین کاریگەری لەسەر دەنگدەرانی ئەمریکا دروست دەکات

ئاڤا نیوز 

 

چین لە ڕێگەی بڵاوکردنەوەی زانیاریی هەڵە و پرۆپاگەندە بۆ دەنگدان، هەوڵی شێواندنی بیروڕای هاووڵاتیانی ئەمریکا دەدات.

 

وێنە گەورەکە: هەر سەرۆککۆمارێکی ئەمریکا سیاسەتی جیهانیی خۆی دەبێت، لەم ڕووەوە وڵاتانی وەکو ڕووسیا و چین هەوڵدەدەن کاریگەری لەسەر دەنگدەران دروست بکەن کە سەرۆککۆمارێک بێتە سەرکار کە سیاسەتەکانی هاوتەریب بێت لەگەڵ ئامانجەکانی خۆیان. 

 

بڵاوکراوەی فەرمی: بەپێی توێژینەوەیەکی کۆمپانیای گرافیکا، لە هەڵمەتێک بە ناوی "پردی ئەژدەها" کە لەلایەن تیمێکی سەر بە حکومەتی چین دەستیپێکردووە، تیمەکە هەڵدەستێت بە دروستکردنی کاریگەری و بێڕێزیکردن بە سیاسەتمەداران و بڵاوکردنەوەی پەیامی دابەشکاری کۆمەڵایەتی. 

 

زانیاریی زیاتر: ئەندامانی ئەم تیمە بە دروستکردنی هەواڵی ساختە وەک بە "ترسنۆک" ناو بردنی بایدن و بە "گەندەڵ" ناوبردنی ترەمپ هەوڵی دروستکردنی کاریگەری دەدەن.

 

بۆچوونی لایەنی بەرامبەر: گوتەبێژی باڵیۆزخانەی چین لە واشینتۆن دەڵێت: "چین بە هیچ شێوەیەک کاریگەری لە دەنگدانی سەرۆکایەتیی ئەمریکا دروست ناکات و هیوادارین ئەمریکا بڕوامان پێیبکات".