تەندروستیی سۆران ڕێکلام لە پزیشکان قەدەغە دەکات

ئاڤا نیوز

 

بەپێی نووسراوێکی تەندروستیی سۆران، هەر فەرمانبەرێک یان پزیشکێکی کەرتی تەندروستی سۆران ڕێکلام یان کارئاسانی بکات بۆ ئەوەی نەخۆش لە نەخۆشخانەکانی کەرتی گشتی بۆ نەخۆشخانە تایبەتییەکان بنێرێت سزا دەدرێت.

 

لێدوانی فەرمی: دکتۆر کامەران مەلا محەممەد، بەرێوەبەری گشتیی تەندورستیی سۆران، بە ئاڤا نیوزی ڕاگەیاند:  بۆیە ئەم بڕیارەمان دەرکردووە، چونکە لە نەخۆشخانەی سۆران ئامێری زۆر پێشکەوتوومان هەیە بۆ نەشتەرگەری و چارەسەری نەخۆش، هیچ پێویست ناکات نەخۆش بچێتە نەخۆشخانە تایبەتەکان بۆ وەرگرتنی چارەسەری پزیشکی یان نەشتەرگەری.

 

لەلایەکی دیکەوە: دکتۆر کامەران گوتیشی: زۆرجار هەستمان بەوە کردووە پزیشک لە نۆرینگەی تایبەت هانی نەخۆش دەدات نەشتەرگەری لە نەخۆشخانە تایبەتییەکان بکات، بەهۆی ئەم بڕیارە ڕێگری لەو دیاردەیە دەکرێت.

 

زانیاریی زیاتر: ئەو ئامێرانەی ئێستا بۆ نەخۆشخانەی سۆران دابینکراوە لەلایەن حکومەتی هەرێمی کوردستان، لە ئاستێکی زۆر پێشکەتووە.