وەزارەتی ناوخۆ: 15 خۆپێشاندەر لە بەغدا بریندار بوون

 ئاڤا نیوز 

 

دەرچووانی بەشە پزیشکییەکانی بەغدا خۆپێشاندان دەکەن و هێزە ئەمنییەکانیش تووندوتیژییان بەرامبەر بەکاردەهێنن.

 

وێنە گەورەکە: لە کۆی 57 هەزار دەرچووی بەشە پزیشکی و تەندروستییەکان، فەرمانی دامەزراندن بۆ 29 هەزاریان دەرچووە، ئەمەش بووە هۆی تووڕەکردنی هەزاران دەرچووی دانەمەزراو، بۆیە چوونە بەردەم وەزارەتی پلاندانانی عێراق.

 

چی ڕووی دا: تووندوتیژیی بەرامبەر دەرچووانی بەشە پزیشکی و تەندروستییەکان لەلایەن هێزە ئەمنییەکانەوە لە بەردەم وەزارەتی پلاندانانی عێراق کرا.

 

ڕاگەیێنراوی فەرمی: وەزارەتی ناوخۆی عێراق ڕایدەگەیەنێت: لە خۆپێشاندانەکاندا زیاتر لە 15 ئەندامی بەشە پزیشکییەکان برینداربوون.

 

لەلایەکی دیکەوە: سەندیکای بەشە تەندروستییەکان سەرکۆنەی بەکارهێنانی تووندوتیژی دژی خۆپێشاندەران کرد.