بۆ یەكەمجار لە هەولێر نەشتەرگەری تۆڕی چاو دەكرێت

ئاڤا نیوز

بۆ یەكەمجار لە نەخۆشخانەی چاوی هەولێری فێركاری نەشتەرگەری تۆڕی چاو بۆ نەخۆشێك كراوە.

لێدوانی فەرمی: د.كارزان نەبی، پزیشكی پسپۆڕ لە نەشتەرگەری تۆڕی چاو بە ئاڤا نیوزی گوت: خۆشبەختانە نەشتەرگەرییەكە بە سەركەوتوویی كرا و پێداویستییەكان تێروتەسەل بوون، تۆڕی چاو هەستیارە و پێویستی بە ئەزموونێكی زۆر و شارەزاییی هەیە و دوێنێ و ئەمڕۆ نەشتەرگەری كراوە.

لە لایەكی دیكەوە: د.شوان ئیسماعیل، بەڕێوەبەری نەخۆشخانەی چاوی هەولێری فێركاری بە ئاڤا نیوزی گوت:  كاسێتەكانی ئەو نەشتەرگەرییەمان لەلایەن وەزارەتی تەندروستییەوە بۆ دابینكرا، بۆیە تا ئەو پێداویستییانەمان بۆ دابین بكرێت بەردەوام دەبین لە نەشتەرگەرییەكە.

بۆچی گرنگە: نەشتەرگەرییەكە لە دەرەوەی وڵات تێچووی زۆرە و ئەگەر لەنێوخۆدا بكرێت پارەیەكی كەم لەسەر نەخۆش دەكەوێت.