بەرپرسێکی باڵای ئەمریکا بەتۆمەتی کارکردن بۆ چین دەستگیرکرا

ئاڤا نیوز

 

جێگری سەرۆکی ستافی پێشووی حاکمی نیویۆرک بە تۆمەتی کارکردن وەک بەکرێگرتەی پارتی کۆمۆنیستی چین دەستگیرکرا.

 

زانیاریی زیاتر: لیندا سوون، تۆمەتبار کراوە بەوەی ڕاگەیێنراوەکانی بە زمانێک داڕشتوونەتەوە کە چین پێی خۆش بێت، لیندا هەروەها لە وەرگرتنی ڤیزا یارمەتیی بەرپرسانی چینی داوە و ڕێگری کردووە لە درووستبوونی پەیوەندیی لەگەڵ بەرپرسانی تایوان. جگە لەمانە، ئەو تۆمەتبارە بەوەی ملیۆنان دۆلاری بۆ خۆ دەوڵەمەندکردن بەکارهێناوە. 

 

وێنە گەورەکە: چەندین ساڵە وەزارەتی داد و دامەزراوەی لێکۆڵینەوەی فیدراڵی (FBI) هۆشدارییان داوە لەوەی چین دەیەوێت کاریگەری لەسەر سیاسەتی ئەمریکا دابنێت. 

 

ئەوەی پێویستە بیزانیت: سوون تەمەنی 41 ساڵە، لەدایکبووی چینە و هاووڵاتیی ئەمریکییە، لە 2012 تاوەکو 2023 لەگەڵ بەرپرسانی پارتی دیموکراتەکانی ئەمریکا کاری کردووە. 

 

ئەمەش بزانە: دوای دەستگیرکردن،  لیندا سوون بە کەفالەتی 1.5 ملیۆن دۆلار ئازاد کرا. بڕیارە ڕۆژی 25-9-2024 دادگەیی بکرێت.