سەرۆكوەزیران بارزانی گەڕایەوە بۆ هەولێر

ئاڤا نیوز

 

سەرۆكوەزیران بارزانی، دوای بەشداریكردنی لە لوتكەی جیهانیی حكومەتەكان لە دوبەی، گەڕایەوە بۆ هەولێر.

بۆچی گرنگە: سەرۆكوەزیران بارزانی، لە لوتكەكەدا  گوتارێكی لە بارەی گرنگیی ڕێزگرتن و دابینكردنی مافەكانی گەلی كوردستان و چارەسەركردنی كێشەكانی ڕۆژهەڵاتی ناوەڕاست و جیهان بە گشتی پێشكەش كرد. 

ڕاگەیێنراوی فەرمی: نووسینگەی ڕاگەیاندنی سەرۆكوەزیران بارزانی بڵاویكردەوە: سەرۆكوەزیران بارزانی لە كاتی گەڕانەوەی لە دوبەی، لەلایەن عومەر بن سوڵتان عولەما وەزیری دەوڵەتی ئیماراتی بۆ كاروباری ژیری دەستكرد، لە فڕۆكەخانە بەڕێكرا. 

باكگراوند: سەرۆكوەزیران بارزانی، لە پەراوێزی بەشداریكردنی لوتكەی جیهانیی حكومەتەكان لە دوبەی، لەگەڵ هەر یەك لە سەرۆكی دەوڵەتی ئیمارات شێخ محەمەد بن زاید ئال نەهیان، شێخ محەمەد بن ڕاشد ئال مەكتووم، جێگری سەرۆك و سەرۆك وەزیران و حاكمی دوبەی و ژمارەیەك لە بەرپرسانی باڵای دیكەی ئیمارات و ڕەجەب تەیب ئەردۆغان سەرۆك كۆماری توركیا و  چەندین بەرپرسی باڵای دیكە  كۆبووەوە.