بەهۆی بڵاوبوونەوەی ڤایرۆسێک لە بابل سەدان باڵندە مرداردەبن

ئاڤا نیوز

 

کارەساتێکی ژینگەیی لە بابل بووەتە هۆی مرداربوونی سەدان باڵندە، ڤێتێرنەری پارێزگاکەش هۆکارەکەی ئاشکرا دەکات. 

 

پەیامی فەرمی: واسیق عودێدی، چالاکوانی بواری ژینگە لەگرتەیەكی ڤیدیۆیەکدا، مرداربوونەوەی سەدان بالندەی ئاشكراكرد و داوای لێكۆڵینەوە لەو كارەساتە ژینگەیە دەكات.

 

زانیاریی زیاتر: بەگویرەی عوێدی ئەو بالندانە پاشماوەی دانەوێڵەی، كارگەیەكی ئاش دەخۆن لەناوچەكە ئەوەش بەسەرچاوەی ئەو مرداربوونەوە بە کۆمەڵە دەزانێت.

 

هۆكاره‌ زانراوه‌كان: سەرچاوەیەک لە ڤێتێرنەری بابلەوە هەواڵەكەی بۆ ئاڤا نیوز پشتڕاستکردەوە و ڕایگەیاند: دوای بەدواداچوون ئەوەمان بۆ دەرکەوت، ئەو باڵندانە بە ڤایرۆسی نیو كاسڵ مرداربوونەتەوە، ئەوەش ڤایرۆسێكی ژینگەیی كوشندەیە بۆ باڵندەکان.