لە سلێمانی پرۆسەی دابەشکردنی زەوی خێراتر دەکرێت

ئاڤا نیوز

سەرۆکایەتیی شارەوانی سلێمانی لەگەڵ لیژنەیەکی تایبەتمەند بە دابەشکردنی زەوی فەرمانبەران کۆبووەوە و جەختی لە خێراترکردنی ئەو پرۆسەیە کردەوە. 


وێنە گەورەکە: پرۆسەی دابەشکردنی زەوی بەسەر فەمانبەرانی هەرێمی کوردستان بە فەرمانی سەرۆکوەزیران مەسرور بارزانی بەردەوامە و تاوەکو ئێستا بە چەند قۆناغێک ئەو پرۆسەیە تێپەڕبووە، هاوکات بەشێکی زۆر لە فەرمانبەران ئەوانەی شایستەی وەرگرتنی زەوین سوودمەندبوون و بەردەوامی هەیە. 

بڵاوکراوەی فەرمی: سەرۆکایەتیی شارەوانی سلێمانی بڵاویکردەوە، لەگەڵ لیژنەی دابەشکردنی زەوی فەرمانبەران کۆبووینەوە و جەختمان لە خێراکردنی ئەو پرۆسەیە کردەوە بەتایبەت ئەو کەسانەی لە تیروپشک ناویان دەرچووە بۆ وەرگرتنی زەوی. 

لە بەشێکی دیکەی بڵاوکراوەکەدا هاتووە، سەرجەم ماڵە و ڕێککارە ئیدارییەکان تەواوکراون و ئاراستەی فەرمانگەی پەیوەندیدار کراوە بۆ کوژاندنەوەی زەوییە کشتوکاڵییەکان. 

 لەلایەکی دیکەوە: سەرۆکایەتیی شارەوانی سلێمانی ئاماژەی بەوەشداوە، بە مەبەستی خێراکردنی ئەو پرۆسەیە داواکارییەک ئاراستەی ئەنجوومەنی وەزیران کراوە بۆ زیادکردنی توانای مرۆی لەو فەرمانگە پەیوەندیدانە.