پەیمانگەیەکی ئەمریکی: ململانێی ئەمریکا و ئێران کاریگەری لەسەر ویلایەتی دووەمی سوودانی دەبێت

ئاڤا نیوز

پەیمانگەی واشنتنی ئەمریکی ڕایدەگەیێنێت، سەرەڕای باشی پەیوەندی بەغدا و واشنتن و دەستکەوتەکانی محەممەد شیاع سوودانی، بەڵام چوارچێوەی هەماهەنگی نزیک لە ئێران لەوانەیە پۆستی سەرۆکوەزیران بەدەستەوە بگرن.  هۆشداری دەدات لەوەی عێراق نەبێتەوە "گۆڕەپانی شەڕ"ـی نێوان ئەمریکا و ئێران.

ئەوەی پێویستە بیزانیت: سەرەڕای ئەنجامی باشی سوودانی، هاوپەیمانی "ئاوەدانکردنەوە و گەشەپێدان" تەنیا 15%ـی کورسییەکانی پەرلەمانی بەدەستهێناوە، لە کاتێکدا چوارچێوەی هەماهەنگی زۆرینەی کورسییەکانی پەرلەمانی مسۆگەر کردووە.

ئەوەی ئێستا ڕوودەدات: ڕاپۆرتەکە پێشبینی قۆناغێکی سیاسیی درێژ و پڕ لە ناکۆکی دەکات پێش پێکهێنانی حکومەت، کە هاوشێوەی دواکەوتنەکانی هەڵبژاردنەکانی پێشووە.

سوودانی لە بانگەشەی هەڵبژاردنیدا پشتی بە دەستکەوتە ناوخۆییەکانی بەستووە، بەبێ پشتیوانییەکی ڕوون لە تاران یان نوێنەرەکانی، ئەمەش کاریگەری لەسەر هەڵوێستی چوارچێوەی هەماهەنگی هەیە.

زانیاریی بەدەستهاتوو: ڕاپۆرتەکە ئاماژە بەوە دەکات، سەرەڕای ئەوەی سەرەتا پێیانوابوو سوودانی قەرزارباری ئێران دەبێت، بەڵام کارەکانی کاریگەری باشی لەسەر دەنگدەرانی عەرەبی سوننە هەبووە، بەتایبەت لە پڕۆژەکانی ژێرخان لە بەغدا.

ئەو مانایەی دەیگەیێنێت: بە گشتی، دۆخی پێکهێنانی حکومەت لە عێراقدا ئاڵۆزە و ململانێی ئەمریکا - ئێران کاریگەری گەورەی لەسەر بڕیارە سیاسییەکان دەبێت، ئەمەش دەکرێت ببێتە هۆی دواکەوتنی پێکهێنانی حکومەت و زیادبوونی گرژییەکان.