ئیمارات یەکەمین وێستگەی ئەتۆمی دەکاتەوە

ئاڤا نیوز

 

ئیمارات ڕایگەیاند، کارەکانی درووستکردنی یەکەمین وێستگەی وزەی ئەتۆمی لەو وڵاتە تەواو بوون.

 

وێنە گەورەکە: وێستگەی وزەی ئەتۆمیی "بەرەکە" لە ئەبوزەبیە و دەبێتە یەکەم وێستگەی لەو جۆرە کە وڵاتانی عەرەبی هەیانبێت. لە ساڵی 2020ـەوە دەست بە درووستکردنی کراوە. 

 

زانیاریی زیاتر: وێستگەکە ساڵانە توانای بەرهەمهێنانی 40 تێراوات کارەبای دەبێت و 25٪ـی کارەبای وڵات دابین دەکات و دەتوانێت 60 تا 80 ساڵ کار بکات. 

 

پەیامی فەرمی: شێخ محەممەد بن زاید ئال نەهیان، تەواوبوونی وێستگەکەی بە "هەنگاوێکی گرنگ" ناو برد و ڕایگەیاند "ئێمە بەردەوام دەبین لەوەی لەپێشینەیی بە ئاسایش و سەقامگیریی وزە بدەین بۆ بەرژەوەندیی وڵاتەکەمان و گەلەکەمان لە ئەمڕۆ و سبەینێدا."

 

لەلایەکی دیکەوە: سعودیە ڕایگەیاندووە پلانی درووستکردنی ڕیئاکتۆری ئەتۆمی هەیە.