ئەمریکا پاڵپشتیی کۆمپانیاکانی بواری شکاندنی فیلتەری ئینتەرنێت دەکات

ئاڤا نیوز 

 

ئەمریکا هاوکاریی کۆمپانیا گەورەکانی ئینتەرنێت دەکات بۆ تێپەڕاندنی سانسۆر لە ئێران، ڕووسیا و میانمار.

 

وێنە گەورەکە: کۆشکی سپی داوا لە کۆمپانیا گەورەکانی تەکنەلۆجیا دەکات، هاوکارییان بکەن بۆ بەهێزکردنی بەرنامەکانی شکاندنی فیلتەری ئینتەرنێت، VPN، لە وڵاتانی ڕووسیا، ئێران و میانمار.

 

ئەوەی پێویستە بیزانیت: کۆشکی سپی کۆبوونەوەیەکی لەگەڵ نوێنەرانی کۆمپانیاکانی گووگڵ، مایکرۆسۆفت، ئەمازۆن، کلاودفلەر و چەند کۆمپانیایەکی دیکە کردووە و داوای کردووە VPN بە شێوەیەکی کاراتر بەردەست بخەن، بۆ ئەوەی خەڵکی وڵاتان بتوانن فیلتەرەکان بشکێنن و بە سەرچاوەکانی زانیاریی بگەن.

 

لەلایەکی دیکەوە: بەکارهێنانی VPN، لە ئێران، ڕووسیا و میانمار بە ڕێژەیەکی بەرچاو زیادی کردووە و ئەمەش بەهۆی سانسۆرێکی تووندی ئینتەرنێت لەو وڵاتانە، بەگوێرەی دوایین ئامار، مانگانە 46 ملیۆن کەس فیلتەرشکێن بەکاردەهێنن.

 

ئەمەش بزانە: VPN یارمەتی بەکارهێنەران دەدات ناسنامەی خۆیان بشارنەوە و زۆرجار شوێنی خۆیان لە ئینتەرنێتدا بگۆڕن بۆ ئەوەی سنوورە جوگرافییەکان لەسەر ناوەڕۆکەکان تێپەڕێنن یان خۆیان لە تەکنەلۆجیای سانسۆری حکومەتەکان بدزنەوە.

 

باکگراوند: دوای سەرهەڵدانی شەڕ لەنێوان ڕووسیا و ئۆکراینا لە ساڵی 2022، ئەمریکا بودجەی زیاتری بۆ پاڵپشتیی VPN  لە تەواوی جیهان تەرخان کرد.