لە هەولێر کێشەی کەمئاوی چارەسەر دەکرێت

ئاڤا نیوز 

 

بە ئامادەبوونی سەرۆکوەزیران بارزانی بەردی بناغەی پڕۆژەی فریاگوزاری خێرای گەیاندنی ئاو بۆ شاری هەولێر دادەنرێت.

 

 

وێنە گەورەکە: سەرۆکوەزیران بارزانی بەردی بناغەی گەورەترین پرۆژەی ئاو لەسەر ئاستی هەرێمی کوردستان لە شاری هەولێر دادەنێت و ئەمەش کێشەی کەمئاوی هەولێر بۆ ماوەی 20 ساڵی دیکە چارەسەر دەکات.

 

زانیاریی زیاتر: ئەمڕۆ 8-9-2024 سەرۆکوەزیران بارزانی کاتژمێر 9:30ی بەیانی بەردی بناغەی پڕۆژەی فریاگوزاری خێرای گەیاندنی ئاو بۆ شاری هەولێر لە ناحیەی کەورگۆسک لەسەر زێی گەورە بە گوژمەی نزیکە 480  ملیۆن دۆلار ڕادەگەیێنێت.

 

ژمارەکان وا دەڵێن: پرۆژەکە 20 عەمباری دەبێت، دەتوانێت نزیکەی 300 هەزار مەتر سێجا ئاو کۆگا بکات، هەروەها لە یەک کاتژمێردا 20 هەزار مەتر سێجا دەپاڵوێت، ڕۆژانە دەکاتە 480 هەزار مەتر سێجا.

 

خاڵە ئەرێنییەکان: بە تەواوبوونی ئەم پڕۆژەیە کێشەی کەمئاوی لە شارەکە چارەسەر دەکرێت و دوای کەوتنەکاریشی پرۆژەکە لە 500 تاوەکو هەزار بیری ئاو لە سنووری هەولێر دادەخرێن، بەمەش ئاستی ئاوی ژێرزەوی بەرزدەبێتەوە.