سەرۆکوەزیران بارزانی: پێویستە بەغدا بەشێوەیەکی دادپەروەرانە مامەڵە لەگەڵ هەولێر بکات

ئاڤا نیوز

کۆبوونەوەی ئەنجوومەنی ئابووریی هەرێمی کوردستان و ئەنجوومەنی وەزاریی حکومەتی عێراق بەرێوەچوو و سەرۆکوەزیران بارزانی جەختی لەوە کردەوە کە پێویستە حکومەتی عێراق بەشێوەیەکی دادپەروەرانە مامەڵە بکات.

 

وێنە گەورەکە: ئەمڕۆ یەکشەممە 8-9-2024، بە ئامادەبوونی سەرۆکوەزیران بارزانی، کۆبوونەوەی هەردوو ئەنجومەنی وەزاریی عێراق بۆ ئابووری و ئەنجوومەنی ئابووریی هەرێمی کوردستان لە شاری هەولێر بەڕێوەچوو.

 

زانیاریی زیاتر: لە کۆبوونەوەکەدا کە فوئاد حوسێن، جێگری سەرۆکوەزیران و سەرۆکی ئەنجوومەنی وەزاریی عێراق بۆ ئابووری و قوباد تاڵەبانی، جێگری سەرۆکوەزیران بارزانی و ژمارەیەک لە وەزیر و بەرپرسە پەیوەندیدارەکانی هەردوولا ئامادەبوون، گفتوگۆ لەبارەی چارەسەکردنی کێشە هەڵپەسێردراوەکان کرا و جەخت لە ڕێزگرتن لە مافە دەستوورییەکانی هەرێمی کوردستان کرا.

 


لە لایەکی دیکەوە: لە دەستپێکی کۆبوونەوەکەدا، سەرۆکوەزیران بارزانی ڕایگەیاند: ئەگەر خواست و ویستی چارەسەر هەبێت، چارەسەرکردنی کێشەکان ئاسانە و پێویستە ڕێزگرتن لە دەستوور و ڕێککەوتنەکان بنەما بێت بۆ چارەسەرکردنی هەموو کێشە و ناکۆکییەکان. 

 


ئەمەش بزانە: سەرۆکوەزیران بارزانی جەختی لەوەش کردەوە، کە پێویستە حکومەتی فیدراڵ بە شێوەیەکی دادپەروەرانە مامەڵە لەگەڵ هەموو بەشەکانی عێراق بکات و حکومەتی هەموو ناوچە و پارێزگاکان بێت، وەک چۆن داکۆکی لە مافی هاووڵاتییانی بەسرا و بەغدا دەکات، بە هەمان شێوە پێویستە بەرگریی لە مافەکانی خەڵکی هەرێمی کوردستانیش بکات، دووپاتیشی کردەوە کە هەرێمی کوردستان، هەرێمێکی دەستووریییە و دەبێ ڕێز لە قەوارەی فیدراڵی هەرێم بگیرێت و لەم چوارچێوەیەدا ڕەفتار لەگەڵ هەرێمی کوردستان بکرێت.

 

ڕاگەیێنراوی فەرمی: جێگری سەرۆکوەزیرانی فیدراڵ و سەرۆکی ئەنجومەنی وەزاریی عێراق بۆ ئابووری هاوڕابوو لەسەر گرنگیی و پێویستیی چارەکردنی کێشە هەڵپەسێردراوەکان لەسەر بنەمای دەستوور؛ لە درێژەی وتەکانیشیدا ئاماژەی بەوەکرد، هاتنی ئەم شاندە باڵایەش بە مەبەستی چارەسەرکردنی کێشەکانە.

 

گۆشەیەکی دیکەی دیمەنەکە: لیژنە پەیوەندیدارەکانی هەردوولا، بە جیا لەسەر تەوەرەکان کۆبوونەوە و گفتوگۆی بەرفراوانیان کرد و کۆبوونەوەکانیش لە کەشێکی ئەرینێیدا بەڕێوەچوون، کە تێیدا بە شێوەیەکی ڕاشکاوانە بیروڕا لەبارەی چارەسەکردنی کێشەکان لەسەر بنەمای دەستوور ئاڵوگۆڕ کرا و بڕیارە کۆبووەنەوەکانیش بۆ ماوەی دوو ڕۆژ بەردەوام بن.