وەزیری دارایی عێراق: گفتوگۆکانی ئەمڕۆ دەرفەتێکی مێژوویین

ئاڤا نیوز

 

وەزیری دارایی عێراق گفتوگۆکانی نێوان هەردوو حکومەتی هەرێمی کوردستان و عێراق لە هەولێر بە "مێژوویی" ناو دەبات و دەڵێت: دەرفەتێکە بۆ ئاشتەوایی دارایی نێوان هەردوو حکومەت.

 

وێنە گەورەکە: ئەمڕۆ یەکشەممە 8-9-2024، بە ئامادەبوونی سەرۆکوەزیران بارزانی و تەیف سامی، وەزیری دارایی عێراق کۆبوونەوەی هەردوو ئەنجومەنی وەزاریی عێراق بۆ ئابووری و ئەنجوومەنی ئابووریی هەرێمی کوردستان لە شاری هەولێر بەڕێوەچوو.

 

ڕاگەیێنراوی فەرمی: لە ڕاگەیاندراوێکی وەزارەتی دارایی عێراقدا هاتووە، تەیف سامی، وەزیری دارایی عێراق، پێداگری لەسەر گرنگی هاوکاریی دارایی نێوانیان دەکاتەوە لەگەڵ هەرێمی کوردستان، لەپێناوی گەیشتن بە چارەسەری یەکجاری کێشە داراییە هەڵپەسێردراوەکان، هەروەها باس لە دۆزینەوە ڕێگا چارەیەک کراوە بۆ دابەشکردنی داهاتی نەوت و داهاتی دەروازە سنوورییەکان، لە پێناو پتەوکردنی متمانە و سەقامگیری ئابووریی وڵات.

 

زانیاریی زیاتر: بەپێی زانیارییەكانی ئاڤا نیوز شاندی باڵای عێراق و بەرپرسانی هەرێمی كوردستان لەسەر چەند خاڵێک گەیشتوونەتە ڕێككەوتنی سەرەتایی، بەڵام گفتوگۆ لەسەر تەوەرەكانی دیكە لە کۆبوونەوەکانی ئەمشەو بەردەوام دەبێت.

 

ئەوەی پێویستە بیزانیت: تێبینییەکانی بەغدا لەبارەی لیستی مووچە و ڕادەستکردنی داهاتەکان، گومرک و بازرگانی و هەناردەی بەرهەمی نێوخۆییەکان و ناردنی پارەی گەنمی جووتیاران سەرەکیترین تەوەری گفتوگۆکانن