ئەنجوومەنی ئابووریی عێراق سەردانی سەرۆک بارزانی دەکات

ئاڤا نیوز

ئەنجوومەنی وەزاریی عێراق بۆ ئابووری سەردانی سەرۆک بارزانی دەکەن و گفتوگۆ لەسەر مافە دەستوورییەکانی هەرێمی کوردستان دەکەن.

وێنە گەورەکە: ئێوارەی  ڕۆژی شەممە ئەندامانی ئەنجوومەنی وەزاریی عێراق بۆ ئابووری گەیشتنە هەولێر، لە دوێنێ یەکشەممەوە بەسەرپەرشتیی سەرۆکوەزیران بارزانی زنجیرەیەک کۆبوونەوەیان لەگەڵ ئەنجوومەنی ئابووریی هەرێمی کوردستان کردووە، ئامانجی کۆبوونەوەکان چارەسەرکردنی پرسە هەڵپەسێردراوەکانی نێوان هەردوولایە.

 

ئەوەی پێویستە بیزانیت: بەگوێرەی پرس و گرفتەکان لیژنە لەنێوان وەزارەتە تایبەتمەندەکان پێکهێنراون، کۆبوونەوەکان لە هۆڵی سەعد عەبدوڵڵا دەکرێن و پێشنیوەڕۆی ئەمڕۆش ژمارەیەک کۆبوونەوە هەبوون.

 

زانیاریی بەدەستهاتوو: کوردستان حەسەن، پەیامنێری دیپلۆماسی ئاڤا کە لە هۆڵی سەعد عەبدوڵڵا کۆبوونەوەکان ڕووماڵ دەکات گوتی، "دوانیوەڕۆی ئەمڕۆ شاندەکەی عێراق سەردانی پیرمام دەکەن و لەگەڵ سەرۆک بارزانی کۆدەبنەوە."

زانیاریی زیاتر: لە کۆبوونەوەکەدا تیشک دەخرێتە سەر چارەسەرکردنی کێشەکانی نێوان هەولێر و بەغدا لەسەر بنەمای دەستوور، گفتوگۆ لەبارەی چارەسەری کێشەی بودجە و مووچەش دەکرێت.