ئەمڕۆ چلەی ماتەمینی ئیسماعیل هەنیە بەڕێوەدەچێت

ئاڤا نیوز

 

چل ڕۆژ بەسەر کوژرانی ئیسماعیل هەنیە لە تاران تێدەپەڕێت، تائێستا ئێران نەیتوانیوە ئەو بەڵێنەی دابووی بۆ تۆڵەکردنەوەی خوێنەکەی، جێبەجێبکات.

 

وێنە گەورەکە: ئەمڕۆ چلەی ماتەمینی ئیسماعیل هەنیە، سەرۆکی مەکتەب سیاسیی بزووتنەوەی حەماس لە تارانی پایتەختی ئێران بە ئامادەبوونی سەرکردە باڵاکانی ئەو وڵاتە بەرێوەچوو. بەڕێوەچوونی چلەی ماتەمینی ئیسماعیل هەنیە لەکاتێکدایە، بەرپرسانی ئێران بەردەوام لەڕێگەی میدیاکانەوە پەنجەی تۆمەت بۆ تەلئەڤیڤ درێژ دەکەن و هەڕەشەی تۆڵەسەندەوە لە ئیسرائیل دەکەن. 

 

‎لەلایەکی دیکەوە: یۆئاڤ گالات، وەزیری بەرگریی ئیسرائیل ڕایگەیاند، ئیسرائیل ئامادەیە لە هەر گۆڕەپانێک و بەرەیەکەوە هێرش بکرێتەسەری بەرگری لەخۆی دەگات، هاوکات ڕاشیگەیاند، ''ئێران دەیەوێت ساتی تۆڵەسەندنەوە بگوازێتەوە بۆ کاتی گونجاو، کە پێناچێت گونجاو بێت''.

 

ئەوەی پێویستە بیزانیت: بەرپرسە سیاسی و سەربازییەکانی ئێران ئاشکرایان کردووە، وەڵامێکی توندی ئیسرائیل دەدەنەوە، وەڵامەکەش ئازاربەخش دەبێت. بەڵام دوای 40 ڕۆژ تائێستا ئێران و ڕێبەرەکەی بێدەنگیان هەڵبژاردووە.

 

باکگراوند:  لە ڕێکەوتی 31-7-2024 ئیسماعیل هەنیە لە ڕێگەی هێرشێکی مووشەکیەوە کە کرایە سەر شوێنی مانەوەی لە تارانی پایتەختی ئێران خۆی و پاسەوانەکەی کوژران.