شاندی ئەنجوومەنی ئابووریی عێراق گەڕانەوە

ئاڤا نیوز 

 

شاندی باڵای بەرپرسانی عێراق كە دوو ڕۆژ بوو لە هەرێمی كوردستان بوون، گەڕایەوە بەغدا.

 

وێنە گەورەكە: ئێوارەی 7-9-2024، شاندی ئەنجوومەنی وەزاریی ئابووریی عێراق بەسەرۆکایەتی د.فواد حوسێن گەیشتە هەولێر و لەلایەن ژمارەیەک وەزیر و بەرپرسی حکومەتی هەرێمی کوردستان لە فڕۆکەخانە پێشوازییان لێکرا، لە ماوەی دوو ڕۆژدا ژمارەیەك كۆبوونەوەیان لەگەڵ ئەنجوومەنی ئابووریی هەرێمی کوردستان كرد.

 

زانیاریی بەدەستهاتوو: ئێوارەی ئەمڕۆ دووشەممە، دوای تەواوبوونی كۆبوونەوەكە ئەندامانی شاندە باڵاكەی عێراق لەلایەن سەرۆكوەزیران بارزانییەوە ماڵئاواییان لێكرا گەڕانەوە بەغدا.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان،  بە کوردستان حەسەن، پەیامنێری دبلۆماسی ئاڤا نیوزی ڕاگەیاند: ھەردوو ئەنجوومەنی وەزاریی ئابووریی ھەرێمی كوردستان و عێراق لە بارەی پرسی مووچە ڕێککەوتن کە حکومەتی فیدڕاڵ مانگانە مووچەی فەرمانبەران ڕەوانە بکات و لە بەرامبەردا حکومەتی ھەرێمی كوردستان، تاوەکو سەری ساڵ کێشە تەکنیکییەکان چارە بکات.