لە بەغدا مووچە فەرمانبەران دەهێنێتە سەر شەقام

ئاڤا نیوز

 

 

بەشێک لە فەرمانبەرانی عێراق لە بەغدا خۆپیشاندانیان ئەنجامدا و داوایانکرد، پڕۆژەیاسای هەمواری مووچەی بنەڕەتی فەرمانبەران پەسەندبکرێت و مووچەکانیان زیاد بکرێت.

 
وێنە گەورەکە: ڕەشنووسی پڕۆژەیاسای هەمواری مووچەی بنەڕەتی فەرمانبەران بە ئامانجی هێنانەدی دادپەروەری و زیادکردنی مووچە ئامادەکراوە، بەڵام تائێستا حکومەت ڕەشنووسی کۆتایی پڕۆژەکەی بۆ پەرلەمان نەناردووە.

 

چی ڕوویدا: ئەمڕۆ سێشەممە بەشێک لە فەرمانبەرانی وەزارەتە جیاوازەکانی عێراق لە گۆڕەپانی تەحریر لە ناوەڕاستی بەغدا خۆپیشاندانیان ئەنجامدا و داوایان لە حکومەت و پەرلەمان کرد، پڕۆژەیاسای هەمواری مووچەی بنەڕەتی فەرمانبەران پەسەندبکرێت و مووچەکانیان زیاد بکرێت.

 

لەلایەکی دیکە: هادی سەلامی، ئەندامی پەرلەمانی عێراق ڕایگەیاند، 700 ڕۆژە حکومەت پڕۆژەیاسای خزمەتی فەرمانبەرانی لە پەرلەمان کشاندووەتەوە کە هەمواری مووچەشی لە خۆگرتبوو، تائێستاش هیچ هەنگاوێک بۆ جێبەجێکردنی داواکاریی سەرەکی فەرمانبەران کە زیادکردنی مووچەکانیانە، نەگیراوەتەبەر.