یاساکانی دیبەیتەکەی ئەمشەوی ترەمپ و هاریس

ئاڤا نیوز

 

 

دوای ماوەیەکی زۆر لە بانگەشەی هەڵبژاردن و چەندین کۆنگرەی ڕۆژنامەوانی، لە کۆتاییدا هەردوو بەربژێری سەرۆکایەتیی ئەمریکا لە دیبەیتێکدا ڕووبەڕووی یەکتر دەبنەوە. 

 

وێنە گەورەکە: ئەمشەو کاتژمێر 9 بە کاتی ویلایەتە یەکگرتووەکانی ئەمریکا و 4ـی بەرەبەیان بە کاتی کوردستان، دۆنالد ترەمپ و کامالا هاریس لە سەنتەری دەستووری نیشتیمانی لە فیلادێلفیا لە کەناڵی ئەی بی سی نیوز ڕووبەڕووی یەکتر دەبنەوە. 

 

زانیاریی زیاتر: بۆ ئەنجامدانی ئەم دیبەیتە، هەردوولا لەسەر هەندێک یاسای تایبەت ڕێککەوتوون کە بریتین لەمانەی خوارەوە:

 

•    کاتی گفتوگۆکە 90 خولەکە بە دوو پشووی کورت
•    تەنیا دوو بەڕێوەبەری دانیشتنەکە پرسیار دەکەن 
•    لە 2024-09-03، بەشێوەیی ئۆنلاین شێر و خەت کراوە کە کێ کۆتا وتار پێشکەش بکات و سەکۆی هەر کەسێک لە چ شوێنێک بێت؛ ترەمپ گوتاری کۆتایی دەڵێت و هاریس سەکۆی لای چەپ (لای ڕاستی شاشە)ی هەڵبژاردووە 
•    کاندیدەکان لەلایەن بەڕێوەبەرانی دانیشتنەکەوە دەناسێنرێن
•    هیچ لێدوانێکی سەرەتایی نییە؛ لێدوانی کۆتایی دوو خولەک دەبێت بۆ هەر کاندیدێک
•    کاندیدەکان لە ماوەی دیبەیتەکە لە شوێنی خۆیان دەوەستن
•    هیچ تێبینییەک کە پێشتر نووسراو بێت لەسەر سەکۆ ڕێگەپێدراو نییە 
•    هیچ بابەت و پرسیارێک پێشوەختە نادرێتە بەربژێرەکان 
•    قەڵەمێک و تێنووس و بوتڵێک ئاو دەدرێتە بەربژێرەکان
•    بەربژێرەکان ماوەی دوو خولەک کاتیان دەبێت بۆ وەڵامدانەوەی پرسیارەکان، دوو خولەکیش بۆ دەربرێنی ناڕەزایەتی لە قسەکانی کەسی بەرامبەر و یەک خولەکی زیادەیان دەبێت بۆ بەدواداچوون، ڕوونکردنەوە، یان وەڵامدانەوە 
•    مایکرۆفۆنی هەر بەربژێرێک تەنیا لە کاتی قسەکردن لە نۆرەی خۆی کار دەکات و لە کاتی قسەکردنی کەسی بەرامبەر بێدەنگ دەبێت 
•    کاندیدەکان ڕێگەیان پێنادرێت پرسیار لە یەکتر بکەن 
•    ڕاوێژکارەکان لە کاتی پشوو ناتوانن یارمەتی بەربژێرەکان بدەن
•    لە ژوورەکەدا هیچ بینەرێک نابێت