دوو سەرکردەی داعش دەستگیردەکرێن

ئاڤا نیوز 

 

لە دوو ئۆپەراسیۆنی جیادا هێزە ئەمنییەکانی عێراق، دوو سەرکردەی ڕێکخراوی تیرۆریستی داعش لە بەغدا و نەینەوە دەستگیر دەکەن.

 

چیرۆكه‌ سه‌ره‌كیه‌كه‌:  دەزگای ئاسایشی نیشتمانی عێراق، دەستگیرکردنی دوو سەرکردەی داعشی ڕاگەیاند، کە تاوانبارن بە چەندین کردەی تیرۆریستی و زیاتر لە شەش ساڵ فەرمانی دەستگیرکردنیان هەیە.

 

ڕاگەیێنراوی فەرمی: دەزگای ئاسایشی نیشتمانی لە ڕاگەیاندراوێکدا ڕایگەیاند: لە هەڵمەتێکی گەڕان و پشکنینی هاوبەشدا، یەکێک لە هەرە مەترسیداترین سەرکردەکانی ڕێکخراوی تیرۆریستی 'داعش'یان لە بەغدای پایتەخت دەستگیرکردووە، بەناوی 'ئەبو ئەنەس عێراقی'.

 

ئەمەش بزانە: هاوکات سەرکردەیەکی دیکەی هەمان ڕێکخراو بەناوی 'عەلاوی شات' لە یەکێک لە کێڵگەکانی قەزای مەخموور لە نەینەوە دەستگیر دەکرێت.