سێ وەزیری حکومەتەکەی سوودانی بانگێشتی پەرلەمان دەکرێن

ئاڤا نیوز

 

بڕیارە لە ماوەیەکی نزیکدا پەرلەمانی عێراق کۆببێتەوە، پەرلەمانتارانیش واژۆیان کۆکردۆتەوە تاوەکو سێ وەزیر لە کابینەکەی سوودانی بەمەبەستی لێپرسینەوە بانگێشت بکرێن و چەندین پرسیاریان ئاڕاستە بکرێت.

 

لێدوانی فەرمی: زەینەب موسەوی، پەرلەمانتاری عێراق بە ئاڤا نیوزی گوت: بە واژۆی 170 ئەندام پەرلەمان لە زۆربەی فراکسیۆنەکان  لەماوەی 10 رۆژی داهاتوودا بانگهیشتی حەيیان عەبولغەنی وەزیری نەوت, هەییام یاسری، وەزیری پەیوەندییەکان و ئیبراهیم جبوری، وەزیری پەروەردە پەرلەمان دەکرێن و لەلایەن پەرلەمانتارانەوە پرسیاریان ئاراستە دەکرێت.

زانیاریی زیاتر: هەردوو وەزیران هییام یاسری و ئیبراهیم جبوری بەهۆی کەمتەرخەمی لەکارەکانیان بەتایبەتی خزمەتگوزاریەکانی ئینتەرنێت و کێشە کەڵەکەبووەکانی سەر قوتابیان و قوتابخانەکان، چەندین پرسیاریان ئاراستە دەکرێت، موسەوی ئەمەشی بە ئاڤا گوت.

 

ئەمەش بزانە: موسەوی ئاماژەی بەوەکرد، ئەمڕۆ ئەندامانی فراکسیۆنی دەوڵەتی یاسا  واژۆیان بۆ بانگهێشتکردنی حەيیان عەبولغەنی وەزیری نەوت کۆکردەوە بۆ دانیشتنێک کە بە تایبەت لەسەر چەند پرسێک لێپرسینەوەی لەگەڵدا دەکرێت.

 

زیاتر بزانە: موسەوی جەختی لەوەش کردەوە، لە ماوەی 10 ڕۆژی داهاتوودا کۆبونەوەکانی تایبەت بەم پرسانە ئەنجام دەدرێن و لە ئەگەری نەبوونی بەوەڵامەکانیان لەئاست بەرپرسیارێتیان نەبێت ئەوە بەدڵنیاییەوە متمانەیان لێدەسێندرێتەوە و لە پۆستەکانیان دوور دەخرێنەوە.