سوودانی بەرپرسێکی باڵا دووردەخاتەوە

ئاڤا نیوز 

 

سەرۆکوەزیرانی عێراق دوورخستنەوەی بەڕێوەبەری گشتیی هێڵی ئاسمانی لە پۆستەکەیی ڕاگەیاند و هۆشداری دایە بەرپرسانی حکومەتەکەی بەرامبەر جێبەجێکردنی ئەرکەکانی سەرشانیان کەمتەرخەمی نەکەن، داواشی کرد کاروباری هاووڵاتیان بە باشترین شێوە ڕایی بکەن.

 

وێنە گەورەکە: ڕۆژی 31-8-2024، بەهۆی بوونی ژمارەیەک گەشتی زۆر و نائاسایی و هەروەها گەشتی پێچەوانە، بەشێک لە گەشتەکانی فڕۆکەخانەی بەغدا وەستان، لەسەر ئەو ڕووداوەش وەزارەتی گواستنەوە، بەڕێوەبەری گشتی هێڵی ئاسمانی عێراقی لە پۆستەکەی دوورخستەوە.

 

ڕاگەیێنراوی فەرمی: نووسینگەی سەرۆکوەزیرانی عێراق بڵاویکردەوە، محەممەد شیاع سوودانی، سەرۆکوەزیران پێشوازی لە ڕێکارەکانی وەزارەتی گواستنەوە دەکات و دەبێت بەرپرسان باشترین خزمەتگوزاری بۆ هاووڵاتیان دابین بکەن.

 

بۆچی گرنگە: سوودانی هۆشداری دەدات بەرامبەر کەمتەرخەمی چاوپۆشی لە بەرپرسان ناکات، چونکە کاریگەری لەسەر هەموو دامەزراوەکان دەبێت و پێویستە حکومەت لە ئاستی خواستی هاووڵاتیاندا بێت.