به‌ريتانيا پشتگیری بۆ هه‌رێمى كوردستان دووپات دەکاتەوە

ئاڤا نیوز

 

وەزیری دەرەوەی بەریتانیا لە کۆبوونەوەی لەگەڵ سەرۆکی هەرێمی کوردستان پابه‌نديى وڵاته‌كه‌ى به‌ به‌رده‌واميى هاوكارى و پشتگيرى له‌ عێراق و هه‌رێمى كوردستان و بره‌ودان به‌ په‌يوه‌ندييه‌كان دووپات كرده‌وه‌.

 

وێنە گەورەکە: لە چوارچێوەی كۆنفرانسى ئاساييشى ميونشن له‌ ئه‌ڵمانيا، به‌يانيى ئه‌مڕۆ شه‌ممه‌ 17-02-2024 نێچيرڤان بارزانى، سه‌رۆكى هه‌رێمى كوردستان، له‌ له‌گه‌ڵ ده‌يڤد كاميرۆن، وه‌زيرى ده‌ره‌وه‌ى به‌ريتانيا دوايين پێشهات و ئاڵنگارييه‌ ئه‌منييه‌كان له‌ عێراق و ڕۆژهه‌ڵاتى ناوه‌ڕاست، گفتوگۆى هه‌ولێر ـ به‌غدا و هه‌ڵبژاردن و دۆخى ناوخۆى هه‌رێمى كوردستان، گفتوگۆيان كرد.

 

بابەتی ستراتیژی: وه‌زيرى ده‌ره‌وه‌ى به‌ريتانيا پابه‌نديى شانشینەکەی به‌ به‌رده‌واميى هاوكارى و پشتگيرى له‌ عێراق و هه‌رێمى كوردستان و بره‌ودان به‌ په‌يوه‌ندييه‌كان دووپات كرده‌وه‌. لاى خۆيه‌وه‌ سه‌رۆكى هه‌رێمى كوردستان ستايشى پشتگيرى و هه‌ڵوێستى به‌ريتانياى به‌رامبه‌ر‌ به‌ عێراق و هه‌رێمى كوردستان كرد. لە ڕاگەیێنراوی سەرۆکایەتیی هەرێمی کوردستان ئەمە هاتووە

 

گۆشەیەکی دیکەی دیمەنەکە: لەبارەی بەئامانجگرتنی هاوپەیمانان لە عێراق جەختیان کردەوە کە ته‌شه‌نه‌سه‌ندنى زياترى ئاڵۆزييه‌كان، مه‌ترسى و هه‌ڕه‌شه‌ى جددى له‌سه‌ر سه‌قامگيريى ناوچه‌كه‌ دروست ده‌كات.

 

زانیاریی زیاتر: له‌  كۆبوونه‌وه‌كه‌دا، هاريكاريى هاوبه‌شى به‌ريتانيا و هاوپه‌يمانيى نێوده‌وڵه‌تى له‌گه‌ڵ عێراق و هه‌رێمى كوردستان، دۆخى ئه‌منى و سياسيى، مه‌ترسييه‌كانى داعش له‌سه‌ر عێراق و سووريا و پرسى كۆچى ناياسايى، باس كران.