ئاسایشی دهۆک کەسێک دەستگیر دەکات کە بە نارنجۆک هەڕەشەی کردبوو

ئاڤا نیوز 

 

دوای ئەوەی کەسێک لە شەقامێکی گشتیی شاری دهۆک بە نارنجۆکەوە هەڕەشە دەکات، لەلایەن ئاسایشەوە دەستگیر دەکرێت.

 

چیرۆکی سەرەکی: شەوی ڕابردوو لە شاری دهۆک لە نزیک ئۆڤەرپاسی نزارکێ، کەسێک بە دوو نارنجۆکەوە هەڕەشەی لە هاووڵاتییانی ئەو شەقامە کردووە، یەکێک لە نارنجۆکەکانی تەقاندووەتەوە و یەکێکی تریشی لەناو دەستیدا بووە. 

 

ڕاگەیێنراوی فەرمی: بەڕێوەبەرایەتی ئاسایشی دهۆک ڕایگەیاند: دوو کارمەندی بەڕێوەبەرایەتیەکەمان دوای تەواوبوونی ئەرکیان و گەڕانەوەیان بۆ ماڵی خۆیان، کاتێک ئەو دیمەنە دەبینن ڕووبەڕووی ئەو تۆمەتبارە دەبنەوە و ناهێڵن نارنجۆکی دووەم بتەقێنێت و دەستگیری دەکەن.

 

زانیاریی زیاتر: ئاسایشی دهۆک ئێستا لێكۆڵینەوە لەگەڵ تۆمەتبارە دەکات بۆ ئەوەی بزانن هۆكاری ئەو کردەوەی چیبووە.