بایدن هۆشداری لە هەڵگیرسانی شەڕی نێوان ڕووسیا و ڕۆژئاوا دەدات

ئاڤا نیوز

 

بەرپرسانی ئەمریکا و بەریتانیا ڕایدەگەیێنن هەڵکردنی گلۆپی سەوز بۆ ئۆکراینا تاوەکو مووشەکی دوورمەودا دژی چەند ئامانجێک لە ناوخۆی ڕووسیا بەکاربهێنێت کارەساتی لێدەکەوێتەوە.

 

وێنە گەورەکە: جۆ بایدن، سەرۆکی ئەمریکا و کیر ستارمەر، سەرۆکوەزیرانی بەریتانیا، بڕیارێکیان سەبارەت بە ڕێگەدان بە ئۆکرانیا بۆ بەکارهێنانی مووشەکی دوورمەودا دژی ڕووسیا دواخست. بایدن پێی وایە، ڕێگەپێدانی بەکارهێنانی چەکی دوورمەودا بە ئۆکراینا واتە ڕۆژئاوا لەگەڵ ڕووسیا لە جەنگ دایە.

 

ئەمەش بزانە: ستارمەر فشار دەخاتە سەر بایدن بۆ ئەوەی پشتگیری لە پلانەکەی بکات بۆ ناردنی مووشەکی "ستۆرم شادۆ" بەریتانی بۆ ئۆکرانیا بۆ لێدان لە چەند  ئامانجێک لە ناوخۆی ڕووسیا.

 

لێدوانی فەرمی: لەبارەی هەڕەشەکانی ئەم دواییەی پووتین سەبارەت بە مەترسی هەڵگیرسانی شەڕ لە نێوان ڕووسیا و ناتۆ، جۆ بایدن گوتی، "زۆر بیر لە پووتین ناکەمەوە".

 

بۆچوونی لایەنی بەرامبەر: ڤلادیمێر پووتین، سەرۆکی ڕووسیا ڕۆژی پێنجشەممە هۆشداری دا کە ڕێگەدان بە ڕۆژئاواییەکان بۆ ئەوەی ڕێگە بە ئۆکرانیا بدەن بە مووشەکی دوورمەودا هێرش بکاتە سەر خاکی ڕووسیا، بە مانای "تێوەگلانی وڵاتانی ناتۆ لە شەڕێکدا لەگەڵ ڕووسیا" دێت.

 

هەنگاوی داهاتوو: ستارمەر، ئاماژەی بەوەدا کە ئێستا خۆی و بایدن لە میانی کۆبوونەوەی گشتی نەتەوە یەکگرتووەکان لە نیۆیۆرک لە هەفتەی داهاتوو "لەگەڵ گروپێکی فراوانتر" تاوتوێی ئەو پلانە دەکەن.