لە هەولێر یادی مەولوود دەکرێتەوە

ئاڤا نیوز

 

 

پارێزگاری هەولێر ڕایگەیاند، ئەمساڵ لە هەولێر بە فەرمی یادی لەدایكبوونی پێغەمبەری ئیسلام دەكاتەوە و شارەكەش دەڕازێنرێتەوە.

 

وێنە گەورەكە: سبەی یەكشەممە 15-9-2024 یادی لەدایكبوونی پێغەمبەری ئیسلام محەممەدە (د.خ)، ساڵانە لە هەرێمی كوردستان بەگشتی و شاری هەولێر بەتایبەتی مەراسیمی جۆراوجۆری ئایینی بەڕێوەدەچێت و هەزاران كەس لە دانیشتووانی شارەكە بەشداریی دەكەن.

 

زانیاریی بەدەستهاتوو: بەپێی ساڵنامەی فەرمیی حکومەتی هەرێمی کوردستان، سبەی یەکشەممە، لە تەواوی هەرێمی کوردستان، بە بۆنەی یادی لەدایکبوونی پێغەمبەری ئیسلامەوە پشووی فەرمییە.

 

لێدوانی فەرمی: ئومێد خۆشناو، پارێزگاری هەولێر ڕایگەیاند: بۆ ئەمساڵ بە فەرمانی سەرۆكوەزیران مەسرور بارزانی، لە پارێزگای هەولێر یادكردنەوەكە فەرمی دەبێت و چەندین شوێنی شاریش بەو بۆنەیەوە دەڕازێنرێتەوە.