سوودانی : سەرەڕای هەموو ڕێگرییەکان سەرکەوتووین

ئاڤا نیوز

 

لە مەڕاسیمێکدا بەبۆنەی یادی لەدایکبوونی پێغەمبەری ئیسلام (د.خ)، سوودانی پەیامێک ئاراستەی گەلانی عێراق دەکات، باسی دەستکەوتەکانی حکومەتەکەی دەکات و دەڵێت: سەرەڕای هەموو هەوڵەکان لە سەرجەم بوارەکاندا سەرکەوتین.

 

وێنە گەورەکە: ڕۆژی شەممە 14-9-2024، محەممەد شیاع سوودانی، سەرۆکوەزیرانی عێراق، بەشدار لە ئاهەنگی ساڵانەی مزگەوتی ئوم ئەلقوڕا، وەقفی سوننیی عێراق کرد بەبۆنەی یادی لەدایکبوونی پێغەمبەر.

 

لێدوانی فەرمی: سوودانی ڕایگەیاند: "حکومەت بەرنامەیەکی داڕشتووە لەسەر بنەمای هاووڵاتیبوون و پێشخستنی بەرژەوەندی گشتی لە بەڕێوەبردنی کاروباری دەوڵەتدا، توانیویەتی سەرکەوتنی ڕێژەیی لە سەرجەم کەرت و سیکتەرەکاندا بەدەستبهێنێت، سەرەڕای هەوڵدان بۆ پەکخستن و ڕێگریییەکان".

 

زانیاری زیاتر: سوودانی لە پەیامەکەیدا جەخت لەسەر پێویستی کارکردن لەژێر ناونیشانی ڕەوشتی بەرزی پێغەمبەری ئیسلام دەکاتەوە، بۆ پاراستنی کۆمەڵگە لە هەموو ڕەفتارێکی گوماناوی، وەک خۆی باسی دەکات ڕەنگە کاردانەوەی خراپی لەسەر ژیانی کۆمەڵایەتی خەڵک و سیستەمی سیاسی لێبکەوێتەوە.