ڕێگەیەکی گرنگ و ستراتیژی لە سنووری شەقڵاوە قیڕتاو دەکرێت

ئاڤا نیوز

 

کارکردن لە ڕێگای مامەجەلکە – فریز - هیران، کە شارەکانی هەولێر و دهۆک و سۆران بە سلێمانی بەیەکەوە دەبەستێتەوە دەستیپێکردووە 

 

وێنە گەورەکە: لە چوارچێوەی کارە بەردەوامەکانی کابینەی نۆیەمی حکومەتی هەرێمی کوردستان بۆ نۆژەنکردنەوەی ڕێگاکان، دەست بە قیڕتاوکردنی ڕێگای سەرەکیی مامەجەلکە - فریز کراوە، کە ڕێگایەکی گرنگی بازرگانی و گەشتیارییە.

 

ئەوەی پێویستە بیزانیت: هەڵکەوتەی جوگرافی ڕێگاکە دەکەوێتە سنووری قەزای شەقڵاوە، شارەکانی هەولێر، دهۆک و سۆران و سلێمانی بەیەکەوە دەبەستێتەوە، هەروەها بە گوژمەی سێ ملیار و 500 ملیۆن و 895 هەزار دینار لەلایەن بەڕێوەبەرایەتی پاراستن و چاککردنەوەی ڕێگەوبانی هەولێر ئەم پڕۆژەیە جێبەجێ دەکرێت.

 

باکگراوند: کابینەی نۆیەمی حکومەتی هەرێمی کوردستان بایەخێکی زۆری بە ڕێگاوبان داوە، هاوکات بەردەوامە لە دروستکردنی ڕێگای نوێ، دروستکردنی جووتساید، قیرتاوکردن و نۆژەنکردنەوەی ڕێگاکان لە سەرتاسەری هەرێمی کوردستان.