نێچیرڤان بارزانی: بەڕێوەچوونی بانگەشەی هەڵبژاردن بەشێوەیەکی هێمن و ئارام گرنگە

ئاڤا نیوز 

 

نێچیرڤان بارزانی جەخت لە گرنگی به‌ڕێوه‌چوونى هێمن و ئارامى هه‌ڵمه‌تى هه‌ڵبژاردن و باپه‌ندى به‌ ڕێنماييى لايه‌نه‌ په‌يوه‌نديداره‌كانه‌وه‌ كرد.

 

وێنە گەورەکە: له‌ چوارچێوه‌ى سه‌ردانه‌كه‌يدا بۆ پارێزگاى دهۆک، به‌يانيى ڕۆژی يه‌كشه‌ممه‌ 15-09-2024  نێچيرڤان بارزانى، سه‌رۆكى هه‌رێمى كوردستان، له‌ پارێزگا له‌گه‌ڵ عه‌لى ته‌ته‌ر پارێزگار و به‌رپرسانى يه‌كه‌ كارگێڕييه‌كانى سنوورى پارێزگاكه‌ كۆبووه‌وه‌.

 

ڕاگەیێنراوی فەرمی: سەرۆکایەتیی هەرێمی کوردستان ڕایگەیاند: له‌ كۆبوونه‌وه‌كه‌دا دۆخى گشتيى پارێزگاى دهۆک و كه‌رته‌كانى خزمه‌تگوزاريى گشتى له‌ ناوچه‌ جياكانى سنوورى پارێزگاكه‌ تاوتوێ كران، هه‌روه‌ها تيشکخرايه‌ سه‌ر پێداويستييه‌كانى پارێزگا و قه‌زا و ناحييه‌كانى و باس له‌ كێشه‌ و گرفته‌كانى به‌رده‌م يه‌كه‌ كارگێڕييه‌كان و چۆنيه‌تيى چاره‌سه‌ركردنيان كرا و ستايش و ده‌ستخۆشى ئاراسته‌ى پارێزگار و به‌رپرسانى يه‌كه‌ كارگێڕييه‌كانى پارێزگاكه‌‌ كرد بۆ ئه‌و ئه‌رك و خزمه‌ته‌ى پێشكه‌ش به‌ هاووڵاتييان و ناوچه‌كه‌ ده‌كه‌ن.

 

گۆشەیەکی دیکە: ئاماده‌كارى بۆ هه‌ڵبژاردنى په‌رله‌مانى كوردستان ته‌وه‌رێكى ديكه‌ى كۆبوونه‌وه‌كه‌ بوو، تيايدا  نێچيرڤان بارزانى جه‌ختى له‌ گرنگی به‌ڕێوه‌چوونى هێمن و ئارامى هه‌ڵمه‌تى هه‌ڵبژاردن و باپه‌ندى به‌ ڕێنماييى لايه‌نه‌ په‌يوه‌نديداره‌كانه‌وه‌ كرد.