لیستی مووچە ڕادەستی بەغدا دەکرێت

ئاڤا نیوز 

 

شاندێکی باڵای هەرێمی کوردستان لەسەر پرسی مووچە سەردانی بەغدا دەکەن و لیستی مووچەی مانگی هەشتیش لەگەڵ خۆیان دەبەن، بڕیارە دوو ڕۆژ دواتر مووچەی ئەو مانگە بنێردرێت.

 

لێدوانی فەرمی: د. ئومێد سەباح، سەرۆکی دیوانی ئەنجوومەنی وەزیرانی هەریمی کوردستان بە ئاڤا نیوزی ڕاگەیاند: "سبەی لیستی مووچەی مانگی هەشت ڕادەست دەکەین، دوای دوو ڕۆژ مووچەی ئەو مانگە خەرج دەکرێت، هاوکات لەماوەی 14 ڕۆژ مووچەی مانگی نۆش خەرج دەکرێت".

 

باکگراوند: لە کۆبووەنەوەی نێوان ئەنجوومەنی وەزاری عێراق بۆ کاروباری ئابووری و ئەنجوومەنی ئابووری هەرێمی کوردستان بە بەسەرپەرشتی سەرۆکوەزیران مەسرور بارزانی،  شاندی بەغدا سێ تێبینی لەسەر لیستی مووچەی مووچەخۆران هەبووە، یەکەمیان بایۆمەتری، دووەمیان ناوی دووبارە و سێیەمیان فەرمانبەرانی ناوچەکانی دەرەوەی ئیدارەی هەرێمی کوردستان.