لیژنەیەکی هاوبەش بۆ دامەزراندن لەنێوان هەولێر و بەغدا پێکدەهێنرێت

ئاڤا نیوز

بەمەبەستی دامەزراندنی فەرمانبەری نوێ هەرێمی کوردستان داوای زیادکردنی پلەی وەزیفی لە حکومەتی عێراق کردووە، بۆ ئەو مەبەستەش بڕیاری پێکهێنانی لیژنەیەکی هاوبەش لەنێوان هەردوولا  دراوە.

لێدوانی فەرمی: د.ئومێد سەباح سەرۆکی دیوانی ئەنجوومەنی وەزیرانی هەرێمی کوردستان لەگەشتی هەواڵی کاتژمێر حەوتی ئاڤا میدیا ڕایگەیاند: "یەکێک لە کارە لەپێشینەکانی حکومەتی هەرێمی کوردستان دامەزراندنی یەکەمەکان، گرێبەستەکان، خۆبەخشەکانن و چین و توێژەکانی دیکەیە. بۆ ئەو مەبەستەش بڕیاردراوە لیژنەیەکی هاوبەش بۆ چارەسەری گرفتی دامەزراندن پێکبهێنرێت".

د. ئومێد سەباح جەخت دەکاتەوە کە لەڕووی دامەزراندەوە ئەم چەند ساڵە ستەمێکی گەورە لە هەرێمی کوردستان کراوە. باسی ئەوەش دەکات  لە ئەگەری ڕێککەوتنی هەردوولا پرۆسەی دامەزراندن بەشێوەی هەمیشەیی دەستپێدەکاتەوە.

ئەوەی پێویستە بیزانیت: تەنیا ساڵی ڕابردوو ملیۆنێک کەس لە حکومەتی عێراق دامەزرێنراون، لەکاتێکدا لە ساڵی 2013 ەوە میلاکی هەرێمی کوردستان جێگیرە، بۆ ئەو مەبەستە ئەو لیژنە هاوبەشە دیراسەی داواکاری هەرێمی کوردستان دەکات بۆ زیادکردنی پلەی وەزیفی و پێدانی ڕێژەی دادپەروەرانە لە وەزیفەی گشتی و لە کەرتی وەزیفەی گشتیی هەرێمی کوردستان.