وەزیری دەرەوەی ڤاتیکان بۆ نێچیرڤان بارزانی: پاپا به‌ ڕێز و خۆشه‌ويستييه‌وه‌ له‌ هه‌رێمى كوردستان ده‌ڕوانێت

ئاڤا نیوز

وەزیری دەرەوەی ڤاتیکان لە کۆبوونەوەی لەگەڵ سەرۆکی هەرێمی کوردستان ستایشی پێکەوەژیانی هەرێمی کوردستانی کرد و ڕایگەیاند، پاپا به‌ ڕێز و خۆشه‌ويستييه‌وه‌ له‌ هه‌رێمى كوردستان ده‌ڕوانێت.

 

وێنە گەورەکە: پێشنيوه‌ڕۆى ڕۆژی شه‌ممه‌ 17-02-2024 نێچيرڤان بارزانى، سه‌رۆكى هه‌رێمى كوردستان، له‌ كۆنفرانسى ئاسايشى ميونشن له‌ ئه‌ڵمانيا، له‌گه‌ڵ پۆل گاڵاگه‌ر، وه‌زيرى ده‌ره‌وه‌ى ڤاتيكان کۆبووەوە، لەبارەی دۆخى پێكهاته‌كان له‌ عێراق و به‌تايبه‌تى هه‌رێمى كوردستان، ڕه‌وشى سياسى و ئه‌منيى عێراق، په‌يوه‌ندييه‌كانى هه‌ولێر ـ به‌غدا، شه‌ڕ له‌ غه‌ززه و دۆخى ناوچه‌كه‌ به‌گشتى‌، گفتوگۆيان كرد.

 

ڕاگەیێنراوی فەرمی: وه‌زيرى ده‌ره‌وه‌ى ڤاتيكان خواستى وڵاته‌كه‌ى بۆ بره‌ودانى زياترى په‌يوه‌ندييه‌كانى له‌گه‌ڵ عێراق و هه‌رێمى كوردستان نيشان دا و ستايشى دۆخى پێكهاته‌كان و پێكه‌وه‌ژيانى له‌ هه‌رێمى كوردستان كرد و دووپاتى كرده‌وه‌ كه‌ قه‌داسه‌تى پاپا به‌ ڕێز و خۆشه‌ويستييه‌وه‌ له‌ هه‌رێمى كوردستان ده‌ڕوانێت.

 

لەلایەکی دیکەوە: نێچيرڤان بارزانى سوپاس و پێزانينى بۆ پشتگيريى به‌رده‌وامى ڤاتيكان له‌ عێراق و هه‌رێمى كوردستان ده‌ربڕى و سڵاو و ڕێزى پێشكه‌ش به‌ قه‌داسه‌تى پاپا كرد، هه‌روه‌ها جه‌ختى كرده‌وه‌ كه‌ هه‌رێمى كوردستان وه‌ك هه‌ميشه‌ بۆ هه‌موو پێكهاته‌كانى، وڵاتى پێكه‌وه‌ژيان و يه‌كترقبووڵكردن و لێبورده‌يى ده‌بێت.